Sya’ir Tanpo Waton

Astaghfirulloh robbal baroya # Astaghfirulloh minal hotoya
Robbi zidni ‘ilman nafi’a # Wa wafiqni amalan sholiha
Ya Rosululloh salamun ‘alaik # Ya rofi ‘asyani waddaroji
‘Athfatayyajirotal ‘alamin # Ya uhailalju diwal karomi

Ngawiti ingsun kelawan syi’iran
Kelawan muji maring pengeran
Kang paring rohmat lan kenikmatan
Rino wengine tanpo pitungan 2x

Duh bolo konco prio wanito
Ojo mung ngaji syari’at bloko
Gur pinter dongeng, nulis lan moco
Tembe mburine bakal sengsoro 2x

Akeh kang apal Qur’an Haditse
Seneng ngafirke marang liyane
kafire dewe gak digatekne
Yen isih kotor ati akale 2x

Gampang kabujuk nafsu angkoro
Ing pepaese gebyare dunyo
Iri llan meri sugihe tonggo
Mulo atine peteng lan nisto 2x

Ayo sedulur jo nglaliake
Wajibe ngaji sak pranatane
Nggo ngandelake iman tauhide
Baguse sangu mulyo matine 2x

Kang aran sholeh bagus atine
Kerono mapan seri ilmune
Laku thoriqot lan ma’rifate
Uqo haqiqot manjing rasane 2x

Al Qur’an qodim wahyu minulyo
Tanpo tinulis biso diwoco
Iku wejangan guru waskito
Den tancepake ing jero dodo 2x

Gumantil ati lan pikiran
Mrasuk ing badan kabeh jeroan
Mu’jizat Rosul dadi pedoman
Minongko dalan manjinge iman 2x

Kelawan Allah kang Moho Suci
Kudu rangkulan rino lan wengi
Ditirakati diriyadhohi
Dzikir lan suluk jo nganti lali 2x

Uripe ayem rumongso aman
Dunungi roso tondo yen iman
Sabar narimo najan pas-pasan
Kabeh tinakdir saking Pengeran 2x

Kelawan konco dulur lan tonggo
Kang podo rukun podo ngajio
Iku sunnahe Rosul kang mulyo
nabi Muhammad panutan kito 2x

Ayo nglakoni sekabehane
Allah kang bakal ngangkat derajate
Senajan ashor toto dhohire
Ananging mulyo maqom derajate 2x

lamun palastro ing pungkasane
Ora kesasar ruh lan sukmane
Den gadang Allah suwargo manggone
Utuh mayyite ugo ulese 2x

Ya Rosulloh salamun ‘alaik # ya rofi ‘asyani waddaroji
‘Athfatayyajirotal ‘alamin # Ya uhailalju diwal karomi

Mushonnef : KH. Abdurrahman Wachid (Gus Dur)

Link Download :
1. http://www.4shared.com/audio/kV6S9DPt/SYIIR_GUSDUR.html
2. http://www.enterupload.com/cyoni8a93a2r/SYI’IR_GUSDUR.mp3.html

Iklan

1 Komentar (+add yours?)

  1. Omar Yasseen Maroun
    Okt 03, 2011 @ 19:59:30

    interesting website. cheers

    Balas

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: